ಸಂಧಿಗಳು

samskrutha sandhi in kannada, kannada sandhi, sandhi, kannada grammar sandhigalu, ಕನ್ನಡ ಸಂಧಿಗಳುr,lopa sandhi in kannada

ಆ ) ಮಳೆಗಾಲದ ದಿನಗಳಲ್ಲಿ ಮನೆಯಲ್ಲಿ ಸೊಳ್ಳೆಗಳಿಲ್ಲದಂತೆ ಎಚ್ಚರವಹಿಸಬೇಕು .

ಆ ) ಹೊಸಗನ್ನಡ ವ್ಯಾಕರಣವನ್ನು ಕಲಿಯದಿರುವುದು ಒಳ್ಳೆಯದಲ್ಲ .

ಮೇಲಿನ ವಾಕ್ಯಗಳನ್ನು ಹೀಗೆ ಬಿಡಿಸಿ ಬರೆಯಬಹುದು :

ಆ ) ಮಳೆಕಾಲದ ದಿನಗಳು ಅಲ್ಲಿ ಮನೆ ಅಲ್ಲಿ ಸೊಳ್ಳೆಗಳು ಇಲ್ಲದಂತೆ ಎಚ್ಚರವಹಿಸಬೇಕು .

ಆ ) ಹೊಸಕನ್ನಡ ವ್ಯಾಕರಣ ಅನ್ನು ಕಲಿಯದೆ ಇರುವುದು ಒಳ್ಳೆಯದು ಅಲ್ಲ .

ಮಳೆ + ಕಾಲ = ಮಳೆಗಾಲ , ದಿನಗಳು + ಅಲ್ಲಿ = ದಿನಗಳಲ್ಲಿ , ಮನೆ + ಅಲ್ಲಿ = ಮನೆಯಲ್ಲಿ ಸೊಳ್ಳೆಗಳು + ಇಲ್ಲದಂತೆ = ಸೊಳ್ಳೆಗಳಿಲ್ಲದಂತೆ ,

ಹೊಸ + ಕನ್ನಡ = ಹೊಸಗನ್ನಡ , ವ್ಯಾಕರಣ + ಅನ್ನು = ವ್ಯಾಕರಣವನ್ನು ಕಲಿಯದೆ + ಇರುವುದು = ಕಲಿಯದಿರು ವುದು , ಒಳ್ಳೆಯದು + ಅಲ್ಲ = ಒಳ್ಳೆಯದಲ್ಲ .

ನಾವು ಮಾತನಾಡುವಾಗ ಬರೆಯುವಾಗ ನಮ್ಮ ಅಭಿಪ್ರಾಯಗಳನ್ನು ವಾಕ್ಯಗಳ ಮೂಲಕ ತಿಳಿಸುತ್ತೇವೆ . ಆಗ ಪದಗಳನ್ನು ಬಿಡಿಸಿ ಹೇಳದೆ , ಕೂಡಿಸಿ ಹೇಳುವುದೇ ರೂಢಿ . ಇದರಿಂದ ಶ್ರಮ , ಕಾಲ ಮತ್ತು ಸ್ಥಳಗಳ ಉಳಿತಾಯವಾಗುತ್ತದೆ . ಕೇಳಲು , ಓದಲು ಸುಲಭವಾಗುತ್ತದೆ .

ಮಳೆ ಮತ್ತು ಕಾಲ ಕೂಡಿ ಮಳೆಗಾಲವಾಗಿದೆ . ಹೊಸ ಮತ್ತು ಕನ್ನಡ ಸೇರಿ ಹೊಸಗನ್ನಡವಾಗಿದೆ . ಈ ಉದಾಹರಣೆಗಳಲ್ಲಿ ‘ ಕ ‘ ಕಾರದ ಬದಲಾಗಿ ‘ ಗ ‘ ಕಾರ ಬಂದಿರುವುದನ್ನು ಕಾಣುತ್ತೇವೆ . ಹಾಗೆಯೇ

ದಿನಗಳು + ಅಲ್ಲಿ = ದಿನಗಳಲ್ಲಿ :

(ಉ+ಅ)

ಕಲಿಯದೆ + ಇರುವುದು = ಕಲಿಯದಿರುವುದು ;

( ಎ + ಇ )

ಸೊಳ್ಳೆಗಳು + ಇಲ್ಲದಂತೆ = ಸೊಳ್ಳೆಗಳಿಲ್ಲದಂತೆ ;

(ಉ+ಇ)

ಒಳ್ಳೆಯದು + ಅಲ್ಲ = ಒಳ್ಳೆಯದಲ್ಲ .

(ಉ+ಅ)

ಎನ್ನುವ ಉದಾಹರಣೆಗಳಲ್ಲಿ ಸ್ವರಕ್ಕೆ ಸ್ವರ ಸೇರಿದಾಗ ಮೊದಲ ಸ್ವರ ಕಾಣದೆ ಹೋಗಿದೆ .

ಮನೆ + ಅಲ್ಲಿ = ಮನೆಯಲ್ಲಿ ,

( ಎ + ಅ )

ಯ

ಎನ್ನುವಲ್ಲಿ ಸ್ವರಕ್ಕೆ ಸ್ವರ ಕೂಡಿದಾಗ ನಡುವೆ ಹೊಸ ಅಕ್ಷರವೊಂದು ಬಂದಿದೆ . ‘ ಸಂಧಿ ‘ ಎಂದರೆ ಕೂಡುವಿಕೆ ಅಥವಾ ಸೇರುವಿಕೆ .

 

ಸಂಧಿಗಳಲ್ಲಿ ಸ್ವರಸಂಧಿ , ವ್ಯಂಜನಸಂಧಿಗಳೆಂದು ಎರಡು ವಿಧಗಳಿವೆ .

ಸ್ವರದ ಮುಂದೆ ಸ್ವರ ಬ ೦ ದು ಸಂಧಿಯಾದರೆ ಅದು ಸ್ವರಸಂಧಿ,

ಸ್ವರದ ಮುಂದೆ ವೃ ೦ ಜನ ಅಥವಾ ವ್ಯಂಜನದ ಮುಂದೆ ವ್ಯಂಜನ ಬಂದು ಸಂಧಿಯಾದರೆ ಅದು ವ್ಯಂಜನ ಸಂಧಿ ,

ಸಂಧಿಯಾದಾಗ ಅಥವಾ ಕೂಡಿಸಿದಾಗ ಸಂಧಿಸಿದ ಅಕ್ಷರಗಳಲ್ಲಿ ಉಂಟಾಗುವ ವ್ಯತ್ಯಾಸವನ್ನು ಸಂಧಿಕಾರ್ಯವೆನ್ನುತ್ತಾರೆ .

ಸಂಧಿಕಾರ್ಯಗಳಲ್ಲಿ ಮೂರು ವಿಧ .

೧ . ಲೋಪ : ಒಂದು ಅಕ್ಷರ ಕಾಣದಾಗುವುದು .

೨ . ಆಗಮ : ಹೊಸದಾಗಿ ಒಂದು ಅಕ್ಷರ ಬರುವುದು .

೩. ಆದೇಶ : ಒಂದು ಅಕ್ಷರಕ್ಕೆ ಪ್ರತಿಯಾಗಿ ಇನ್ನೊಂದು ಅಕ್ಷರ ಬರುವುದು .

ಸಂಧಿಯಾದಾಗ ಈ ಮೂರು ಬಗೆಯ ಸಂಧಿಕಾರ್ಯಗಳಲ್ಲಿ ಯಾವುದಾದರೂ ಒಂದು ನಡೆಯುತ್ತದೆ .

 

ಕನ್ನಡ ಸಂಧಿಗಳು

ಕನ್ನಡ ಭಾಷೆಯ ಪದ – ಪ್ರತ್ಯಯಗಳು ಅಥವಾ ಪದ – ಪದಗಳು ಸೇರಿದಾಗ ಆಗುವ ಸಂಧಿಗಳನ್ನು ಕನ್ನಡ ಸಂಧಿಗಳೆಂದು ಲೋಪವಾದರೆ ಕರೆಯಲಾಗಿದೆ . ಲೋಪಸಂಧಿ ಆಗಮಿಸಂಧಿ , ಆದೇಶಸಂಧಿ ಮತ್ತು ಪ್ರಕೃತಿಭಾವ – ಇವನ್ನು ಕನ್ನಡ ಸಂಧಿಗಳು ಎನ್ನುತ್ತಾರೆ .

ಲೋಪಸಂಧಿ :

ಸ್ವರದ ಮುಂದೆ ಸ್ವರವು ಬಂದು ಸಂಧಿಯಾಗುವಾಗ ಪೂರ್ವದಲ್ಲಿರುವ ಸ್ವರವು , ಅರ್ಥವು ಕೆಡದಿದ್ದ ಪಕ್ಷದಲ್ಲಿ ಮಾತ್ರ ಲೋಪವಾಗುವುದು . ಅದಕ್ಕೆ ಲೋಪಸಂಧಿಯೆಂದು ಹೆಸರು

. ಉದಾ : ಸೊಳ್ಳೆಗಳು + ಇಲ್ಲದಂತೆ = ಸೊಳ್ಳೆಗಳಿಲ್ಲದಂತೆ

ಉ+ಇ( ಳ ಕಾರದ ಮೇಲಿರುವ ಉಕಾರ ಲೋಪ )

ಕಲಿಯದೆ + ಇರುವುದು = ಕಲಿಯದಿರುವುದು

ಎ + ಇ ( ದ ಕಾರದ ಮೇಲಿರುವ ಎಕಾರ ಲೋಪ )

ಒಳ್ಳೆಯದು + ಅಲ್ಲ = ಒಳ್ಳೆಯದಲ್ಲ

ಉ+ಅ ( ದ ಕಾರದ ಮೇಲಿರುವ ಉಕಾರ ಲೋಪ )

ಊರು + ಊರು = ಊರೂರು

ಉ+ಊ  (ರ ಮೇಲಿರುವ ಉಕಾರ ಲೋಪ)

ದೇವರು + ಇಂದ = ದೇವರಿಂದ

ಉ+ಇ  (ರ ಮೇಲಿರುವ ಉಕಾರ ಲೋಪ)

ಅವನ + ಅಂತೆ = ಅವನಂತೆ

ಅ+ಅ( ನ ಕಾರದ ಮೇಲಿರುವ ಅಕಾರ ಲೋಪ )

ನಿಯಮ :

ಸ್ವರದ ಮುಂದೆ ಸ್ವರ ಬಂದು ಸಂಧಿ ಮಾಡಿದಾಗ ಅರ್ಥ ಕೆಡದಂತಿದ್ದರೆ ಹಿಂದಿನ ಸ್ವರ ( ಪೂರ್ವದ ಲೋಪವಾಗುತ್ತದೆ ( ‘ ಲೋಪ’ವೆಂದರೆ ಇಲ್ಲದಂತಾಗುವುದು ) .

ಆತ್ಮೀಯರೇ …

ನಮ್ಮ samagratv.com ವೆಬ್ಸೈಟ್ ನಲ್ಲಿ  ಭಾರತದ ಸಂವಿಧಾನ ( constitution of india  ),ಭಾರತದ ಇತಿಹಾಸ (indan history),ಕನ್ನಡ ವ್ಯಾಕರಣ , ವಿಜ್ಞಾನ ಹಾಗೂ  KSP ,KPSC ,PSI ,KAS ಪುಸ್ತಕ ನೋಟ್ಸ್ ಸಂಪೂರ್ಣ ವಿವರಣೆ ಇದೆ .

ಇನ್ನು ಹೆಚ್ಚಿನ ವಿಷಯಗಳನ್ನು ನೀವು ತಿಳಿಯಲು ನಮ್ಮ samagratv.com ಟೆಲಿಗ್ರಾಮ್ ಗೆ ಜಾಯಿನ್ ಆಗಿ,ಪ್ರತಿ ದಿನ ಹೊಸ ವಿಷಯಗಳನ್ನು ಕಲಿಯಿರಿ .

ಟೆಲಿಗ್ರಾಮ್ ಲಿಂಕ್ 

samagratv.com

ಇತರೆ ವಿಷಯಗಳುಲಿಂಕ್ :

ಕನ್ನಡ ಕವಿಗಳು 

ಶಾಸನಗಳು 

ವರ್ಣಮಾಲೆ

ಕನ್ನಡ ವ್ಯಂಜನಗಳು

ಕನ್ನಡ ಗುಣಿತಾಕ್ಷರ